Редовен професор

Објавила над 60 стручни и начни трудови, меѓудругото во престижниот најстар светски часопис за историја на уметност и археологија BCH, Париз и часописот ICON, Ријека на издавачот Bripoll, а најновиот труд е во издание на Rutledge. Учествувала на преку 80 научни конференции и конгреси во земјата и странства, меѓу кои: од 21-25 09. 2010 година на Интернационалниот Конгрес на Академиите на науки и уметности на Србија, Русија и Полска во Краков, на 21-от светски конгрес на византолози во Лондон од 21-26.08. 2006 г. и на 23-от светски конгрес на византолози Белград во 22-27. 08. 2016 година, и на RSA во Чикаго во март 2017 година, на конференции и конгреси организирани од Академијата на Науки и Уметности на Русија (септември 2018 г., Москва и септември 2015 г., РАНХИС, во Липецк), БАН на Бугарија (март 2015 во Софија и 2-5.10. 2019 во Јамбол), Академијата на Науки и Уметности на Романија (Букурешт, одделение на академијата AIESEE, 2-6.09. 2019 г.), како и на музејот Ермитаж во Петроград септември-октомври 2017. На поканата на Државниот Универзитетот Ломоносов, Третјаковска Галерија и Музејот Ермитаж учествува на конференција во октомври 2018 г.

Добитник е на наградата Херберт Манинг за најдобар студент на генерација во 1987 година.

Остварила студиски престои на универзитети во Словенија, Хрватска, Унгарија, Чешка, Англија, Бугарија, Русија, Србија и Грција.

Била координатор за ЕКТС на матичниот Институт до 2006 година, секретар а потоа и Раководител на постдипломски студии на матичниот Институт во два наврати во 2007-2009 г. и во периодот на 2013-2014 година. Била член на редакцијата на Зборникот на Филозофскиот Факултет од 2012-2016 г., како и на комисијата за настава на Филозофскиот Факултет поќнувајќи од 2018 година.

Членува во: македонското археолошко здружение МАНД уште како студент од 1986 година, The International Academy for the promotion of Historical Studies од 2003 г., Rennaisance Society of America од 2016 година, MECERN (Medieval Central Europe Research Network); член е и основач на Македонското Хералдичко Здружение од 2003 г, а учествува во основањето и работата на Комитетот за византологија и медиевистика на Р. Македонија од 2017 година.

Одржала серија предавања за Ранохристијанската уметност и средновековната уметност во Македонија на покана на Универзитетот во Загреб на Институтот за Историја на уметност, Филозофски Факултет и во МИМАРА Музејот во мај 2009 година, како и на Филозофски Факултет во Ријека, Институтот за Историја на уметност (2008, 2014) на и Филозофскиот Факултет во Марибор, на Институтот за Историја на уметност (2014)., како и на Академијата во Липецк, Русија во септември 2015 година и на Сорбона, јуни 2018 година. На покана на Музејот на Македонија одржала предавања во 2009 и 2014 година за новите хералдички ликовни извори во Македонија.

При Управата за заштита на културно наследство на МК учествува во комисија на оценка на елаборати за ревалоризација на музејски збирки (2009 г.)

Учесник е во повеќе национални и интернационални проекти, организирани од национални домашни музеи и Филозофскиот Факултет (ТЕМПУС 2002-2005), како и проекти организирани од Department of Byzantine and Modern Greek Studies, University of Vienna под раководство на професор Клаудија Рап (Moving Byzantium Project и Еразмус проектот EdMuse project – Education and Museum: Cultural Heritage for science learning is a two-year Strategic Partnership (2015-2017) funded by the EU Programme Erasmus+, Key Action 2 Cooperation for innovation and the exchange of good practices, и на проектот The Role of UNESCO CHAIRS in promoting the medium term strategy 2014-2021 in the Balkan Peninsula 2016 година во Кавала. Учествува во проектот Рашколовано знање на Теорија која хода, Београд и Контрапункт Скопје 2009-2012 г. Консултант е на проект за активности за реставрација на новооткриена базилика во Баргала во 2009/10 г. на Музеј и Национална Галерија Штип, заедно со колеги од БАН. Член е на капитален проект за Баргала-2014 година

Подготвила сценарио за документарно едукативната емисија за Македонската хералдика во текот на март 2009 г. на МТВ, а учествува и во серијалот Симболите на Македонија емитуван на МТВ во 2018 година, коавтор е на сценарија за дваесетина емиси од областа на културното наследство за Телевизија Сонце, во текот на 2011-2014 година.

Одлично го зборува англискиот и српскиот јазик; го користи францускиот, италијанскиот и германскиот јазик. Се занимава со фотографија, имала неколку фото изложби во Штип, Смедерево и т.н., а неколку децении се занимавала и со хорско пеење.

Истражувачки интереси: Ранохристијанска и средновековна уметост, методологија на историјата на уметност, хералдика, археологија.