Дипломирани студенти (алумни)


Почитувани дипломирани студенти, 

Филозофскиот факултет при Универзитетот „Св. Кирил и Методиј“ во Скопје е горд на своите студенти и алумни и со нетрпение очекуваме да слушнеме од вас во наредните години. Само затоа што вашите студии завршија, не значи дека и вашата врска со Факултетот треба да прекине.  Градење цврста, оддржлива и меѓународна мрежа на студенти и алумни е наша цел, која може да има повеќестрана корист за сите вклучени, како заради одржување и зголемување на професионалните контакти, така и заради  промовирање на факултетските  студиски програми, факултетските истражувања и иницијативи. Создавањето на мрежата на алумни на Филозофскиот факултет во Скопје е во својот зародиш, што ви дава можност активно да го обликувате и да бидете дел од процесот. Ве покануваме да го пополните прашалникот и да дадете свои предлози за развој на алумни мрежата на Филозофскиот факултет.  

https://fzfukim.qualtrics.com/jfe/form/SV_6WNe6ZzNf6kQIFT

Ви посакуваме успешен пат напред. Каде и да ве води, Филозофскиот факултет ќе се гордее со вашите лични и професионални достигнувања.