О703И/18: Глобален тероризам

Наставник: д–р Тања Милошевска

Цели на предметната програма:

Студентите да ги совладаат основните категории на тероризмот и да ги проучат причините за тероризмот, историскиот и контекстуален развој на тероризам, видовите на тероризам, терористички акти и форми на тероризам. Цел на предметната програма е анализа на тековните и идните модели на терористичките организации (хиарархиски и мрежни) кои го подобруваат сфаќањето за дејствувањето на тероризмот во современото опкружување. Студентите да стекнат знаења за стратегиите и политиките за спротивставување/сузбивање на тероризмот преку имплементација на основните модели (контратерористичкиот модел и евалуација на моделот на мрежно војување), односно глобалното анти-терористичко вмрежување.

Содржина на предметната програма:

Историски преглед на појавата на тероризмот и дефиниции за тероризмот. Видови на тероризам. Основни белези на природата на тероризмот.Организациски модели на тероризмот. Реконцепција на тероризмот како безбедносна закана. Мрежно функционирање на терористичките организации. Современ меѓународен тероризам: Ал Каеда, Исламска држава. Причини за соработка и поврзаност помеѓу тероризмот и транснационалниот организиран криминал. Комерцијален тероризам. Концептот на нарко-тероризам. Стратегии за борба со тероризмот. Анализа на глобалниот терористички индекс. Криминално-терористичка поврзаност како теоретски модел и иден концепт на безбедноста во 21 век.

Литература:

1. Тања Милошевска, Модели на поврзаност на тероризмот и на транснационалниот организиран криминал, Филозофски факултет, Скопје, 2016

2. Одри К. Кронин, Џејмс М. Лудс, Напад на тероризмот – елементи на грандиозна стратегија, Georgetown University Press, 2009

3. Gary LaFree, Laura Dugan and Erin Miller, Putting terrorism in context – Lessons from the global terrorism database, Routledge, 2015.