Д-р Емил Димитриев е роден 1979 година во Пробиштип. Основно и средно образование завршил во родниот град со одличен успех. Додипломските, постдипломските и докторските студии ги завршил на Институтот за Социологија при Филозофскиот факултет – Скопје со натпросечен успех. Дипломирал (2004) на тема Приватизацијата во Р. Македонија преку случајот на рудниците „Злетово“ во Пробиштип. Магистрира (2022) на тема Компаративна анализа на Конвенции и Протоколи за превенција и спречување на организиран криминал во РСМ и земјите од ЕУ (Германија, Хрватска и Бугарија). Докторирал (2025) на тема Социолошкиот профил на политичките партии ВМРО ДПМНЕ и СДСМ. За време на докторските студии бил стипендист на Фондацијата Конрад Аденауер. Своето образование го надоградувал и на Воената Академија „Генерал Михајло Апостолски“ – Скопје (2004) и Факултетот за политички науки во Загреб (2024). Посетувал повеќе курсеви и обуки од областа на комуникација со јавност, одбрана и безбедност, политичка кампања, човечки ресурси и сл. Својот општествено – политички придонес го реализира извршувајќи повеќе студенски, локални и државни позиции. За време на студиите е избиран на високи позици во студенското организирање. Еден мандат бил Советник во Советот на општина Пробиштип. Во два мандати е избиран за Пратеник во Собранието на Р. Македонија. Од страна на Собранието е избиран за Заменик министер во министерството за одбрана и Претседател на Владата. Во неговиот работен ангажман се вбројуваат и Раководител на општ сектор во Хидросистемот Злетовица во Пробиштип и Советник на Меѓународниот Славјански Универзитет во Св. Николе, каде реализира и наставна дејност како стручњак од пракса по предметот Социологија на Факултетот за Психологија. Денес работи како асистент по предметите Социологија на политиката, Социологија и Политички систем. Својата научно истражуавачка работа досега ја реализира објавувајќи книга со наслов Организираниот криминал континуитет на политичката агенда, (2022), Европа 92 Кочани. Има објавено повеќе научни трудови во меѓународни научни списанија: – Профил на лидерство во функција на националните, регионалните и светски предизвици, (2021) Право и Политикологија, МСУ Св. Николе, Година 9, бр 2. – Political parties as a factor in the postmodernism, (2023) International Journal – Knowledge, Vol. 57 No. 1. – Organized crime as a current political – security challenge, (2023) Безбедносни дијалози – Филозофски факултет – Скопје – Peacebuilding and conflict transformation – Strategic aspects, (2023) Безбедносни дијалози – Филозофски факултет – Скопје, (коавтор). – Analysis of war fighting – the Ukrainian counteroffensive in context, (2024) Безбедносни дијалози – Филозофски факултет – Скопје, (коавтор). – Control over the security services as an indicator of the political system, (2025) Безбедносни дијалози – Филозофски факултет – Скопје – Politics and Religion, (2025) Religious Dialogue and Cooperation Со свои научни трудови и презентации учествувал на повеќе меѓународни научни конференции..