Вонреден професор

Во учебната 2007/08 се запишала на втор циклус (магистерски) студии на Институтот за историја на уметноста и археологија, Филозофски Факултет, Скопје. Студиите ги завршила во 2009 година, со просечен успех 10,00 и магистрирала на тема: Раното христијанство во Macedonia Secunda.

Докторска дисертација пријавила во 2009 година на Филозофскиот Факултет, Скопје. Дисертацијата на тема: Раното христијанство во доцноантичките провинции на територијата на Р Македонија (Македонија I, Македонија II, Нов Епир, Дарданија и Средоземна Дакија) ја одбранила во 2015 година и се стекнала со научниот степен доктор на науки од научната областа археологија. Била ангажирана како демонстратор по Ранохристијанска археологија 1 и 2 (2006–2009), стручен соработник по ранохристијанска археологија 1 и 2 (2009–2012), координатор за EKTС (2009–2010), избрана во звање помлад асистент по средновековна археологија 1 и 2, ранохристијанска археологија 1 и 2, вовед во научна работа, средновековна нумизматика, библиска археологија, археологија на турското средновековие (2012–2015), доцент по средновековна археологија 1 и 2, ранохристијанска археологија 1 и 2, вовед во научна работа, средновековна нумизматика, библиска археологија, археологија на турското средновековие (2015–2020) на Универзитет Св. Кирил и Методиј, Скопје – Филозофски Факултет, Институт за историја на уметноста и археологија.

Сега работи како вонреден професор во истите области.

Добитник е на наградата за најдобар студент од областа на општествените науки на УКИМ за 2006/2007 год.

Посетувала курсеви и семинари и остварила студиски престои на универзитети во Словенија, Србија и Египет. Била член на истражувачки тимови и раководела археолошки терени во Македонија и Словенија. Организирала серија предавања и координирала меѓународни конференции на истакнати стручњаци.

Го зборува англискиот и германскиот јазик; аматерски се занимава со фотографија и е љубител на електронска музика.