Институт за класични студии

д-р Даниела Тошева Николовска

Вонреден професор

Даниела Тошева е родена 1980 година во Љубљана, Република Словенија. Основно образование и гимназија завршила во Свети Николе. Во 1999 година се запишала на Филозофскиот факултет во Скопје на катедрата за класични студии, каде во 2004 година дипломирала со дипломската работа „Жените во женскиот дискурс во трагедиите на Еврипид“ под менторство на проф. д-р Весна Томовска. Истата година се запишала на постдипломски студии на катедрата за класични студии во Скопје, насока хеленска култура. Магистерскиот труд Разбивањето на сценската илузија во комедиите на Менандар, изработен под менторство на проф. д-р Весна Томовска, го одбранила во ноември 2007 год. на Филозофскиот факултет во Скопје. Во 2009 год. пријавила докторска дисертација со наслов Комичкиот ефект во хеленската комедија под менторство на проф. д-р Весна Томовска, која ја одбранила во 2013 год. Во 2021 магистрирала на Факултетот за правни науки на Меѓународниот Славјански Универзитет „Гаврило Романович Державин“, на насоката граѓанско право со насловот Промоција на семејните вредности во „Законикот на Посебната сметка“ под менторство на проф. д-р Иван Ефремовски. Од 2014 до 2018 г. е претседател на Здружението на класични филолози АНТИКА. Во декември 2013 е избрана за насловен доцент, наставник за научните области (дисциплини): историја на старогрчката книжевност и историја на римската книжевност, а во октомври 2017 доцент во подрачјето хуманистички науки на Меѓународниот Славјански Универзитет „Гаврило Романович Державин“. Во 2018 г. е избрана за вонреден професор на Меѓународниот Славјански Универзитет „Гаврило Романович Державин“ во подрачјето хуманистички науки. Во мај 2022 е избрана за вонреден професор на Филозофскиот факултет во наставно-научните области: Класична филологија, Историја на старогрчката книжевност, Историја на римската книжевност.

Го познава старогрчкиот и латинскиот јазик. Зборува англиски и современ грчки јазик. Преведува од класични јазици на македонски јазик.

Проф. д-р Даниела Тошева Николовска изведува настава и вежби по предметите на првиот циклус студии:

На првиот циклус студии:
На вториот циклус студии:
  • 1

    КФ 212З/19: Антички книжевни родови

  • 2

    Византиски книжевни родови

  • 3

    КФ 305И/19: Античкото наследство во византиската книжевност

Селeктирана библиографија:

Книги:

1. 2021      Законикот на посебната сметка: политиката за брак и семејство во Римски Египет, Меѓународен Центар за Славјанска Просвета, Свети Николе, 2021.

2. 2020      Положбата не жените во антиката: Правни папируси од Римски и Птолемајски Египет. Институт за култура и уметност при МСУ „Гаврило Романович Державин“, Свети Николе-Битола, 2020.

3. 2018      Античка драма. Три, Скопје (коавтор Весна Томовска), Три, Скопје, 2018.

4. 2014      Хеленска комедија. Магор, Скопје, 2014.

5. 2009      Менандар и новата атичка комедија. Магор, Скопје, 2009.

Преводи на книги (и делови од книги) од старогрчки и латински јазик:

2022        Демократија и олигархија. Превод од старогрчки Даниела Тошева, белешки Стефан Пановски.

2021        Византиска сатира: Тимарион, Мазарис. Превод од старогрчки, предговор и белешки, Д. Тошева. Панили, Скопје, 2021.

2020        Грчки магиски папируси. Книга втора. Превод од старогрчки, предговор и белешки, Даниела Тошева. Магор, Скопје, 2020.

2019        Јустинијан. Дигести. Превод од латински, преговор, белешки и коментари Даниела Тошева. Издавач: Даниела Тошева-Николовска, 2019.

2019        Грчки магиски папируси. Книга прва. Превод од старогрчки, предговор и белешки, Даниела Тошева. Магор, Скопје, 2019.

2018        Законот на дванаесет таблици. Превод од латински, преговор, белешки и коментари Даниела Тошева. Меѓународен Славјански Универзитет „Гаврило Романович Державин“, Свети Николе.

2016        Хеленски мимови: Софрон, Херода, Теокрит и мимови од анонимни автори. Препев од старогрчки, белешки и предговор Даниела Тошева-Николовска. Магор, Скопје, 2016.

2015        Аристофан Богатство. Препев од старогрчки јазик, белешки и предговор Даниела Тошева-Николовска. Скопје: Три, 2015.

2015        Порфириј. Увод и коментари за Категориите на Аристотел.  Превод и белешки од старогрчки јазик Даниела Тошева-Николовска. АРС СТУДИО Скопје, 2015.

2015        Антологија на светска поезија. (Препев од латински на песни од Катул, Тибул, Пропертиј и Сенека). Арс ламина, Скопје, 2015.

2013        Аристофан Комедии: Жаби, Облаци, Птици, Лисистрата. Превод од старогрчки јазик Весна Томовска (Жаби, Лисистрата), Даниела Тошева-Николовска (Облаци, Птици). Скопје: Три, 2013.

2012        Сатирски драми: Еврипид – Киклоп, Софокле – Ловечки кучиња. Препев од старогрчки, белешки и предговор Даниела Тошева-Николовска. Магор, Скопје, 2012.

2011        Аристофан Оси. Препев од старогрчки, белешки и предговор Даниела Тошева-Николовска. Профундум, Скопје, 2011.

2008        Менандар: комедии и фрагменти. Препев од старогрчки, белешки и предговор Даниела Тошева-Николовска. Профундум, Скопје, 2008.

Истражувачки интереси:

Класична филологија, хеленска и римска книжевност, античка лирика, драма, родот и полот во антиката, семејството и бракот во антиката, превод.