Даниела Неделкова е родена 1981 година во Скопје. Основно и средно училиште завршува во Скопје. Во 2005 година дипломирала на Институтот за психологија при Филозофскиот факултет, Универзитет „Св. Кирил и Методиј“ во Скопје. По дипломирањето работи во повеќе сектори: менаџмент на човечки ресурси и образование (наставник/психолог во средно приватно училиште), а од март 2011 година е ангажирана (подоцна и вработена) на Филозофскиот факултет во Скопје како соработник за библиотечно работење во библиотеката при Институтот за психологија. Неколку години работела и на работното место Соработник на втор и трет циклус студии во Одделението за студентски прашања. Во период од 2011 до 2019 година е техничка секретарка на Годишниот зборник при Филозофскиот факултет во Скопје, а од 2015 година е техничка секретарка на првото меѓународно научно списание од областа на психологијата, Психологија: наука и практика. Во текот на работењето била член на повеќе Комисии формирани при факултетот.